BÄRN I HA DI GÄRN
I ha Bärndütsch so gärn dasi irgendeinisch agfange ha, die schöne Wörter i churze, präzise Gedicht ufzschribe. Hie e chlyni Uswau dervo.
weggli hoch 5.
wett ds füfi u ds weggli füf weggli u füf füfi oder immerin öppis wo fröid macht u nüt choschtet chirschi. gross u starch oder aut u fett weis nid öbis wett aber glücklech si ja gärn rüssu. je meh me nid wott uf sich luege desto meh macht mes. wie a dä pink elefant wome nid söu dra dänke verglich. bire oder öpfu hin oder här im migro zausch glichviu houptsach sie si glichschwär |
wie geits?
guet isch angers aber es geit u solang's no geit isch guet starch. was eim nid umbringt macht eim starch u wes mi nid umbringt bini ömu de starch gstorbe zwüschitzweisches. zwüschdüre geits geng no so guet wie no nie aber zwüschdüre ghesich zwüschabe u zwüsch de stüeu u bänk geits gar nid unförmig. mi huet dä het vier eggä aber wie bi dene chinderbouchlötzli wo sötte ids förmli passe passt dä eifach niemerem ufe gring |
beschäftigung.
we jede das macht woner wott u zu däm steit waser seit hei ömu aui öppis z'tüe unentschide. kes ja isch es nei was aber no lang nid heisst das kes nei sicher es ja isch sagi. der ufstigend ascht hört denn uf wed der ne säuber absagisch überem zuun. hani dises wotti äis hani äis wotti dises derbi isch das gras woni hie ha ganz baas seit dr haas |